Körpəm hər şeyi ağzına aparır...

21-02-2023, 11:12

ANALIQ MƏKTƏBİ / Körpə və ona qulluq

0

1 616

Körpələr üçün ilk 12 aylıq dövrdə ən təsirli kəşf vasitəsi ağızlarıdır.

Buna görə, hər tapdıqlarını ağızlarına aparır, əmir, dişləyir və yalayırlar. Bu vəziyyət isə ana-ataları, həm mikrob keçib xəstələnəcək narahatlığıyla, həm də davamlı tüpürcək axıtmaları səbəbiylə narahat edir.

Körpələrin bu hərəkətlərinin inkişaflarının göstəricisi olduğunu və məhdudlaşdırılmaması lazım olduğunu söyləyən mütəxəssislər, bu mövzuda başqa halları da izah etdilər.

Uşaqların ilk ad gününü qeyd etdiyi günə qədər keçən dövrə "körpəlik dövrü" deyilir. Psixoloji inkişafı baxımından 0-12 aylıq dövr, inkişafın ilk mərhələsi (oral dövr-age dövrü) olaraq qəbul edilir.

Oral dövrdə təməl həzz qaynağı əmmədir. Əmmə, passiv və asılı davranış olub, körpələrdə doğuşdan qazanılmış bir xüsusiyyətdir. Körpəlik dövründə ağız, gərəyi ehtiyaclar, gərəyi doyumlar, gərəyi xarici ətraf ilə əlaqə yaratmaqda istifadə edilən bir orqandır. Bu səbəblə 0-12 aylıq dövrdə bədənin ən həssas bölgəsi ağızlarıdır.

Körpələr, kiçik dünyalarında hər şeyə ağızlarıyla nəzarət edir, tapdıqları hər şeyi ağızlarına alırlar. Bu vəziyyət, əslində müsbət bir inkişafdır. Körpənin ətrafıyla əlaqədar olduğunu göstərir.

Körpə barmaqlarını istifadə etməklə hələ ustalaşmadığı üçün əlinə aldığı obyektləri daha yaxşı araşdırmaq məqsədiylə ağızına aparır. Diqqətini çəkən, tuta bildiyi obyektləri ağızlarına alaraq araşdırır; dodaqlarıyla toxunur, diliylə dadır, diş və damaqlarıyla dişləyərək yeni şeylər öyrənirlər.

Dişlərin çıxması ilə birlikdə dişləmə impulsu inkişaf edir. Passiv dövr artıq aktiv hala çevrilir və körpə bundan zövq almağa başlayır.

Körpələr əşyaları ağızlarına almaqla yeni şeylər öyrənirlər. Bu səbəbdən ətraflarındakı hər şeyi uzaqlaşdırmaqdansa onların yaş qruplarına uyğun sağlam və etibarlı əşyaları saxlamaq lazımdır. Bu məqsədlə hazırlanmış müxtəlif oyuncaqlar var. Oyuncaq seçkisində və təmizliyində bəzi cəhətlərə diqqət yetirmək lazımdır.

Oyuncaqlar kiçik və ya iti uclu olmamalı və kifayət qədər möhkəm olmalıdır. Körpə möhkəm olmayan oyuncaqları kəsib parçalayıb bu parçalan udaraq boğula bilər. Oyuncaqlar, körpənin zəhərlənməsinə səbəb ola biləcək boya və kimyəvi maddələrdən olmamalıdır. Unutmayaq ki, körpə hər oyuncağı ağızıyla tanımaq və dadmaq istəyir. Buna görə qadağalar qoymayın!

Oyuncaq seçkisində etibarlılığı sübut edilmiş materiallardan hazırlanmış keyfiyyətli markalar seçilməlidir, az, amma keyfiyyətli oyuncaq! Xəstə olar deyə narahat olmayın Körpənin ağızına apardığı şeylərdən mikrob keçmə ehtimalı ana ataları narahat edir. Ancaq bu vəziyyət düşünüldüyü qədər təhlükəli deyil.

Çünki əksəriyyətlə xəstəliklərə toz deyil, mikroblar səbəb olur. Bu səbəblə uşağınızı oyuncaqlardan çəkindirmək yerinə, uşağınızın xəstə uşaqlarla oyuncaqlarını paylaşmamasına diqqət yetirməniz, əllərini və oyuncaqlarını nizamlı yumanız əhəmiyyətlidir.

Parça oyuncaqlar həftədə bir dəfə paltaryuyan maşınında, plastik oyuncaqlar gün sonunda əldə və ya qabyuyan maşınında yuyulmalıdır. Bu şəkildə yuyula bilməyən oyuncaqlar isə sabunlu su ilə təmizlənməlidir.

xoshbextqadin.az