Tikə-Kababın bişirilmə qaydası

• 21-03-2023, 19:14
• Mətbəx / Quru yeməklər
• 0
• 1 890

Tikə-kaba üçün qoyun cəmdəyinin bel,yaxud bud hissəsindən 35-40 q-lıq tikələr kəsilib şişə taxılır,üstünə duz səpilir və manqalda közərmiş kömür üzərində qızardılır.Kömür alovlanmasın deyə ona duzlu su çilənir.

Ət şişə taxılan zaman həm yağlı,həm də yağsız tikələr götürülməlidir.Ətin bir qaydada qızarmasına fikir verilməlidir.Tikə-kababın bərabər qaydada qızarması üçün şişlər arabir çevrilir.

Tikə-kabab hazır olan kimi süfrəyə verilməlidir.Tikə-kababın üstünə halqavari doğranmış baş soğan,habelə çöp şəklində doğranmış göy soğan və keşniş tökülüb süfrəyə verilir.

Bundan da başqa tikə-kababın yanına bir neçə dilim limon,yaxud narşərab,sumaq,döyülmüş istiot və duz qoyulur.Yay zamanı tikə-kababın hər payına 100q  şişdə qızardılmış pomidor da əlavə edilir.

Ərzaq:adambaşına 350q qoyun əti,1 baş soğan,10 q cəfəri və reyhan,3 q sumaq,yaxud 5 q narşərab,təm üçün istiot,duz götürülür.