Albalılı toyuq
- 27-05-2023, 16:19
- Mətbəx / Quru yeməklər
- 0
- 1 101
Əgər siz də mənim kimi mövsüm meyvələrindən maksimum yararlanmağı, üstəlik də turşməzə dadları sevirsinizsə, bu resepti mütləq sınamalısınız. Zoğallı toyuq reseptim də var, onun linkini də aşağıda qoyuram, zoğal çıxınca, yararlana bilərsiniz
Tərkibi:
1 ədəd toyuq
600 qr albalılı
2 ədəd soğan
Kərə yağı
Duz, istiot
Hazırlanması:
Mən tezbişən cücə istifadə etmişəm, onunla bu cür yeməklər daha dadlı olur. Toyuq yuyulur, tikələrə ayrılır. Kərə yağında qızardılır.
Soğanları yarımhalqa doğrayıb toyuğun üzərinə əlavə edirik. Soğanlar qızarmağa başlayanda duz, istiot əlavə edib qarışdırırıq və çəyirdəyi çıxarılmış albalıları da əlavə edib tavanın qapağını bağlayırıq ki, albalılar şirəsini buraxsın.
Zövqə görə 1 xörək qaşığı şəkər tozu da əlavə edə bilərsiniz.
Albalı şirəsində toyuq bişirərkən diqqət etmək lazımdır ki, şirəsi tam çəkilməsin. Plovla servis edə bilərsiniz.
Nuş olsun!
Albalı şirəsində toyuq bişirərkən diqqət etmək lazımdır ki, şirəsi tam çəkilməsin. Plovla servis edə bilərsiniz.
Nuş olsun!
Nurlana Efendi
Sirliqadın.az
- Müəllif: Deniz
Hörmətli ziyarətçi, siz sayta qonaq kimi daxil olubsunuz. Xahiş edirik qeydiyyatdan keçin və ya sayta daxil olun.
