Ətli badımcan kababı

20-08-2021, 12:41

Mətbəx / Quru yeməklər

0

2 382

Badımcan kababınının hazırlanması üçün ərzaqlar:

Badımcan -4 ədəd

Quzu əti -800 qr

Soğan -1 ədəd

Sarımsaq -3 diş

Tomat pastası- 1x.q

Qara istiot dənəsi -1ç.q

Yaşıl bibər – 4 ədəd

Pomidor – 2 ədəd.

Duz

Duru yağ

Badımcan kababının hazırlanması:

Quzu əti orta ölçüdə doğranılır. Tavaya azca duru yağ tökülür və ət qovrulur. 5 Dəqiqə müddətində ət qovrulduqdan sonra dəfnə yarpaqları əlavə edilir. Qara istiot dənələrini atılır və bişirilməyə davam edilir. Tomat pastası əlavə edilib qarışdırılır.

Soğan və sarımsaq dogranılıb başqa bir tavaya əlavə edilir. Pamidor və bibərlər doğranılır. Bibərlər əlavə edilərək qapağı qapadılıb bir neçə dəqiqə bişirilir. Son olaraq pamidorlar əlavə edilir. Bişməyinə az müddət qalmış duz əlavə olunur.

Badımcanların saplaq qismi və alt qismi kəsilir. Tam ortadan ikiyə bölünür. Hər iki hissənin içi oyulub boşaldılır. İçi boşaldılmış badımcan hissələri yağda qızardılır və mətbəx salfetinin üzərinə qoyulur. Salfet qızardılmış badımcan dilimlərinin yağını çəkdikdən sonra badımcanlar şüşə soba qabına düzülür. Üzərlərinə duz və toz şəkilində qara istiot səpilir.

Badımcanların içindən çıxan hissələr qızardılır. Əvvəlcə bişirilən ətli qovurma badımcanların içərisinə yerləşdirilir. Üzərlərinə qızardılan badımcan içləri qoyulur. Bir dənə pomidor dilimi ilə üzərləri qapadılır. Əvvəlcədən 180 dərəcə tempraturda isidilmiş sobada bişirilir.

Nuş olsun!

http://sirliqadin.az