Limonlu revani

27-08-2022, 17:23

Dünya mətbəxi / Şirniyyat

0

1 676

Tərkibi:

Keksi üçün:

3 yumurta

1 qəhvə fincanı şəkər tozu

1 stəkan bitki yağı

1 stəkan qatıq

1 stəkan manna yarması

3 xörək qaşığı un

3 xörək qaşığı çəkilmiş fındıq

1/2 çay qaşığı soda

1 paket qabartma tozu

1 paket vanil

1 ədəd rəndələnmiş limonun qabığı

Şərbəti üçün:

3 stəkan su

3 stəkanı şəkər tozu

3-4 damcı limon suyu

Hazırlanma qaydası:

Şərbət üçün bir qazanda su və şəkər tozunu zəif odda qaynadın. Qaynayan şərbətin ocaqdan götürüb limon suyu əlavə edin. Soyuması üçün kənara qoyun.

Bir qabda yumurta və şəkər tozunu yaxşıca çırpın. Duru yağ və qatıq əlavə edib çırpmağa davam edin.Manna yarması,vanil, un, soda,çəkilmiş fındıq və limon qabığı da əlavə edib qarışdırın. Sonda qabartma tozunu əlavə edib qarışdırın.

Düzbucaqlı soba üçün borcamı yağlayın. Qarışığı bu qaba boşaldın. Əvvəlcədən 175 dərəcə qızdırılmış sobada üstü qızaranadək və diş çöpü batırsanız təmiz çıxana qədər təxminən 40-45 dəqiqə bişirin. İlk 20 dəqiqə qətiyyən sobanın qapısını açmayın.

Bişən revanin üzərinə istiykən şərbəti tökün. Yaxşıca soyuyan revaninin üzərinə fındıq düzün və limon qabığı rəndələyib süfrəyə verə bilərsiniz.

Nuş olsun!

Sirliqadin.az