Ətli kartof xörəyi – Resept

• 10-10-2015, 13:30
• Mətbəx / Quru yeməklər
• 0
• 3 075

5 ədəd orta boy kartof

1 ədəd böyük boy baş soğan

1 diş sarımsaq

400 qram quşbaşı formasinda doğranmış quzunun tikə əti

4 yemək qaşığı günəbaxan yağı

1 çay qaşığı pomidor tomatı

1/2 çay qaşığı istiot abqora

1,5 su stəkanı qaynar su

1 çay qaşığı duz

1/2 çay qaşığı təzə çəkilmiş dənə istiot

Bişirmə müddəti: 45 dəqiqə

Diqqət: Bişməyə başlayan kartofların dağılmaması üçün yeməyi çox qarışdırmayın.

Kartofları bol suda yuyun və qabıqlarını incə-incə soyun. Quru soğanı xırda doğrayın. Sarımsağı bütün olaraq əlavə edin

Günəbaxan yağını qazana əlavə edib qızdırın. Yuyub suyunu kağız dəsmalın köməyi ilə aldığınız tikə ətləri qazana tökün. Yüksək odda, yüngül bir rəng alana qədər qovurun. Ocağın altını azaldıb zəif odda 15 dəqiqə bişirin. Sonra doğranmış baş soğan, sarımsaq və tomatları əlavə edib 5 dəqiqəyə qədər qovurun. Kartof dilimlərini əlavə edin. Kartofların səviyyəsinə gələcək qədər təxminən 1,5 su stəkanı qaynar suyu qazana əlavə edin.

Son olaraq, duz və təzə çəkilmiş dənə istiot əlavə edin. Yeməyi qapağı örtülü qazanda, zəif odda təxminən 20-25 dəqiqə kartoflar bişənə qədər bişirin. İsti olaraq xidmət edin.