Toyuqlu Pide

23-02-2022, 12:07

Xəmir xörəkləri / Dünya mətbəxi

0

3 989

Toyuqlu pide-nin hazırlanması üçün lazım olan ərzaqlar:

Un- 4st

Yaş maya- 0.5 paket

Duz

Toyuqlu pide-nin içliyinin hazırlanması üçün ərzaqlar:

Toyuğun döş əti- 2 ədəd (bütöv şəkildə)

Pomidor- 3 ədəd

Soğan -2 ədəd

Yaşıl bibər- 3 ədəd

Tomat pastası-1 x.q

Təzə kəklikotu-1 ovuc

Kaşar pendiri -100qr

Duz

Qara istiot

Zeytun yağı

Toyuqlu pide-nin hazırlanması:

Un xəmirin yoğrulacağı qaba tökülür və ortası hovuz kimi açılaraq, yaş maya əlavə olunur.

Mayanın üzərinə ilıq su əlavə edilir maya əridilərək xəmir yoğrulmağa başlanılır. Daha sonra yenə ilıq su əlavə edilir və xəmir yoğrulur. Orta yumşaqlıqda xəmir yoğrularaq, şişməyə qoyulur.

İçliyi üçün toyuğun döş əti xırda-xırda doğranılaraq içliyi qarışdıracağımız qaba tökülür. Pomidor, bibər və kəklikotunu nazik şəkildə doğranılıb toyuğun döş ətinə əlavə edilir. Duz, qara istiot, zeytun yağı tökülüb qarışdırılır.

Şişmiş xəmir 8 hissəyə bölünüb kündələnir. Kündələrin üzərinə un səpilərək, naziltmədən oval formasında açılır.

Hazırlamış içlik xəmirlərin arasında bərabər çəkildə paylaşdırılaraq üzərinə yerləşdirilir. Xəmirlərin kənarı yüngülcə qatlanılır. Ucları sıxılır və iki ucundan tutularaq yağlanmış soba qabına yerləşdirilir.

Bütün kündələr eyni şəkildə hazırlanır. Əvvəlcədən 240 dərəcə tempraturda isidilmiş sobada bişirilir.

Bişməyinə az müddət qalmış sobadan çıxardılır üzərinə sürtkəcdən keçirilmiş kaşar pendir səpilir və yenidən sobaya qoyulur.

Kaşar pendir əridikdən sonra sobadan çıxarılaraq dilimlənir və süfrəyə verilir.

xoshbextqadin.az